ബസില്‍ പിടിച്ചുപറി; രണ്ട് നാടോടി സ്ത്രീകളെ പിടികൂടി

കണ്ണൂര്‍: ബസില്‍ യാത്രചെയ്യുകയായിരുന്ന യുവതിയുടെ ബാഗില്‍ നിന്നും പണവും മൊബൈല്‍ ഫോണും പിടിച്ചുപറിക്കാന്‍ ശ്രമിച്ച രണ്ട് നാടോടി യുവതികളെ യാത്രക്കാര്‍ പിടികൂടി പോലീസിലേല്‍പിച്ചു. പാനൂര്‍ ഭാഗത്ത് നിന്നും തലശ്ശേരിയിലേക്ക് വരികയായിരുന്ന സ്വകാര്യ ബസ് തലശ്ശേരി സംഗമം ജംഗ്ഷനിലെത്തിയപ്പോഴാണ് സംഭവം.

യുവതി ബാഗില്‍ നിന്നും ഫോണെടുക്കാന്‍ ശ്രമിക്കുമ്പോഴാണ് ഫോണ്‍ കാണാതായത് ശ്രദ്ധയില്‍പെടുന്നത്. സംശയം തോന്നിയതിനാല്‍ നാടോടി യുവതികളെ പരിശോധിച്ചപ്പോഴാണ് ഫോണ്‍ കണ്ടെത്തിയത്. ഇതേ തുടര്‍ന്നാണ് നാട്ടുകാര്‍ പിടികൂടി പോലീസിന് കൈമാറിയത്. കവര്‍ചക്കിരയായ യുവതിക്ക് പരാതിയില്ലാത്തതിനാല്‍ കേസെടുത്തിട്ടില്ലെന്ന് പോലീസ് അറിയിച്ചു.

Keywords: Kannur, Theft, Bus, Robbery, Women, Bag, Money and Mobile Phone, Police, Passengers, Complaint, Malayalam news, Kerala News, International News, National News, Gulf News, Health News, Educational News, Business News, Stock news, Gold News.