തളിപ്പറമ്പ്: തീര്‍ഥാടനത്തിന് പോകവെ വാഹനാപകടത്തില്‍ പരിക്കേറ്റ് ചികിത്സയില്‍ കഴിയുകയായിരുന്ന യുവതി മരിച്ചു. തളിപ്പറമ്പ് ഡി.ഓപ്ഷന്‍ ജീവനക്കാരി പട്ടുവം കൂത്താട്ട് കടുകുന്നിലെ ചെല്ലരിയന്‍ ഉഷ (35)യാണ് ബുധനാഴ്ച രാവിലെ മരിച്ചത്. കഴിഞ്ഞ ചൊവ്വാഴ്ച കുറുമാത്തൂരിലായിരുന്നു അപകടം. കൊട്ടിയൂരിലേക്ക് ഇവര്‍ സഞ്ചരിച്ച മാരുതി ആള്‍ട്ടോ നിയന്ത്രണംവിട്ട് മറിയുകയായിരുന്നു. കൂടെയുണ്ടായിരുന്ന പാളയാട്ടെ സി.സാവിത്രി (45), ലളിത (40) എന്നിവര്‍ക്കും പരിക്കേറ്റു.
പരേതനായ ശേഖരന്റെയും കല്ല്യാണിയുടെയും മകളാണ്. ഭര്‍ത്താവ് ജനാര്‍ദ്ദനന്‍ (കെ.എ.പി.ക്യാമ്പ്, ധര്‍മശാല). മക്കള്‍: ജൂന, ജിഷ്ണു. സഹോദരങ്ങള്‍: ഭാസ്‌കരന്‍ (ടെയ്‌ലര്‍, തളിപ്പറമ്പ്), ഷാജി (കെ.എസ്.ആര്‍.ടി.സി.കണ്ണൂര്‍), അമ്മാളു, നാരായണി, കൃഷ്ണന്‍, ഉഷസ്സ് (പ്രൊഫഷണല്‍ കൊറിയര്‍).
Post a Comment