കണ്ണൂര്‍: ഒഡീഷയില്‍ രൂപം കൊണ്ട ന്യൂനമര്‍ദം തകര്‍ത്തു പെയ്തത് ജില്ലയില്‍ വന്‍നാശനഷ്ടത്തിനിടയാക്കി. മഴ കനത്തതോടെ ജില്ലയിലെ മലയോരമേഖലകളിലെ ചില പ്രദേശങ്ങളും താഴ്ന്ന പ്രദേശങ്ങളും വെളളപ്പൊക്ക ഭീഷണിയിലാണ്. വടക്കന്‍ കേരളത്തില്‍ ശക്തമായ കാറ്റോടുകൂടി ഒരാഴ്ചവരെ കനത്തമഴയുണ്ടാകുമെന്ന് കാലാവസ്ഥ നിരീക്ഷണകേന്ദ്രം ഡയറക്ടര്‍ അറിയിച്ചു.
കഴിഞ്ഞ ദിവസം കണ്ണൂര്‍ ജില്ലയില്‍ നാല്‍പ്പതുമുതല്‍ അമ്പതു ശതമാനം വരെ അധികമഴ രേഖപ്പെടുത്തിയിട്ടുണ്ട്. പടിഞ്ഞാറന്‍കാറ്റിന്റെ വേഗത മണിക്കൂറില്‍ 45 മുതല്‍ 55വരെയാകാന്‍ സാധ്യതയുളളതിനാല്‍ മത്സ്യബന്ധനത്തിലേര്‍പ്പെടുന്നവര്‍ ജാഗ്രതപാലിക്കണമെന്ന് കാലവസ്ഥ നിരീക്ഷണ കേന്ദ്രം അധികൃതര്‍ മുന്നറിയിപ്പ് നല്‍കി. താഴെചൊവ്വ എളയാവൂര്‍ റോഡിലെ പളളിക്കടുത്ത് വെച്ച് നിര്‍മാണത്തിലിരിക്കുന്ന വീട് തകര്‍ന്നു വീണ് അഞ്ചുതൊഴിലാളികള്‍ക്ക് പരിക്കേറ്റു.
ചേക്കാലി മുനീറയുടെ വീടിന്റെ പുതുതായി നിര്‍മ്മിച്ചുകൊണ്ടിരിക്കുന്ന സണ്‍ഷെഡും ഹോളോബ്രിക്‌സ് ചുമരുകളുമാണ് പൊളിഞ്ഞുവീണത്. നിര്‍മാണതൊഴിലാളികളും ചാമ്പാട് സ്വദേശികളുമായ അനിയന്‍(45) ഗംഗാധരന്‍(55) ഓമന(45) സുജാത(40) ശ്രീമതി(50) എന്നിവര്‍ക്കാണ് പരിക്കേറ്റത്. ഇവര്‍ കണ്ണൂര്‍ എ.കെ.ജി സ്മാരക സഹകരണാശുപത്രിയില്‍ ചികിത്സയിലാണ്.
ഇരിട്ടി: കനത്ത മഴയില്‍ കോളിക്കടവ് കോറമുക്കില്‍ ഒരു വീട് പൂര്‍ണമായും തകര്‍ന്നു. കോറമുക്കിലെ പുതുശ്ശേരി സുരേഷിന്റെ ഓടിട്ട വീടാണ് ഇന്നലെ ഉച്ചയോടെ തകര്‍ന്നത്. വീട്ടിലുള്ളവര്‍ സമീപത്തെ വീട്ടില്‍ കല്യാണത്തിനു പോയതിനാല്‍ വന്‍ ദുരന്തം ഒഴിവായി. മലയോരത്ത് പലയിടത്തം വെള്ളം കയറിയിട്ടുണ്ട്. മട്ടന്നൂര്‍: ബസ്്സ്റ്റാന്റിനു സമീപത്തെ നൗഷാദ് മേത്തറുടെ ഫ്‌ലവര്‍ മില്‍ കെട്ടിടം മരം വീണ് തകര്‍ന്നു. കെട്ടിടത്തിന്റെ മേല്‍ക്കൂരയാണ് തകര്‍ന്നത്.Keywords: Kannur, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.
Post a Comment