ബംഗാളി പെണ്‍കുട്ടിയെ പീഡിപ്പിച്ച കേസിലെ പ്രതികളെ ദൃക്‌സാക്ഷി തിരിച്ചറിഞ്ഞു

തലശേരി: ബംഗാളി പെണ്‍കുട്ടിയെ പീഡിപ്പിച്ച കേസില്‍ ദൃക്‌സാക്ഷി പ്രതികളെ തിരിച്ചറിഞ്ഞു. പ്രതികള്‍ പെണ്‍കുട്ടിയെയും ദൃക്‌സാക്ഷിയെയും കയറ്റിയ ലോറിയും തിരിച്ചറിഞ്ഞിട്ടുണ്ട്. ഈ കേസിലെ ദൃക് സാക്ഷിയും പെണ്‍കുട്ടിയുടെ ബന്ധുവുമായ ജാറുല്‍ ഇസ്ലാമാണ് ബുധനാഴ്ച ജില്ലാ സെഷന്‍സ് കോടതി ജഡ്ജ് വി. ഷര്‍സി മുമ്പാകെ പ്രതികളെ തിരിച്ചറിഞ്ഞത്. കേസില്‍ ഉള്‍പ്പെട്ട നാല് പ്രതികളെയും സാക്ഷി തിരിച്ചറിഞ്ഞിട്ടുണ്ട്.

ദൃക്‌സാക്ഷി കോടതിയില്‍ നല്‍കിയ മൊഴി ഇങ്ങനെ: പെരുമ്പാടിയില്‍ നിന്നും വാഹനംകാത്തു നിന്ന് തന്നെയും പെണ്‍കുട്ടിയെയും ലോറിയില്‍ കയറ്റുകയും ലോറി പേരട്ടവഴി ഉളിക്കല്‍ വയത്തൂരിലെ പുഴക്കരയില്‍ എത്തിച്ചു. തുടര്‍ന്ന് അവിടെ വച്ചുതന്നെ പ്രതികള്‍ മര്‍ദ്ദിച്ച് അവശനാക്കി പെണ്‍കുട്ടിയെ മൂന്നു പേര്‍ചേര്‍ന്ന് പീഡിപ്പിച്ചു.

കേസിലെ ആദ്യ മൂന്നു പ്രതികളായ ഉളിക്കല്‍ വയത്തൂരിലെ പ്‌ളാത്തോട്ടത്തില്‍ ബിജു(38) മുഹമ്മദ് ഷരീഫ്(27) കൊമ്പാനപറമ്പില്‍ മുഹമ്മദ് സാലി(25) എന്നിവര്‍ ചേര്‍ന്നാണ് പെണ്‍കുട്ടിയെ പീഡിപ്പിച്ചതെന്ന് ജാറുല്‍ ഇസ്ലാം മൊഴി നല്‍കി. സാക്ഷിവിസ്താരം പൂര്‍ത്തിയാവാത്തതിനാല്‍ ഇയാളെ ഏപ്രില്‍ 15ന് വീണ്ടും വിസ്തരിക്കും. കോടതി അറസ്റ്റു വാറന്റ് പുറപ്പെടുവിച്ചിരുന്ന രണ്ടു പ്രതികളായ മുഹമ്മദ് സാലി, എന്‍.കെ ജംഷീര്‍ എന്നിവരെ കോടതി റിമാന്‍ഡ് ചെയ്തു. പ്രതികളില്‍ മുഴുവന്‍ പേരും ബുധനാഴ്ച കോടതിയില്‍ ഹാജരായിരുന്നു.

Keywords: Kerala, Thalassery, Bangalian, molestation, Case, police, Malayalam news, Kerala News, International News, National News, Gulf News, Health News, Educational News, Business News, Stock news, Gold News.