സി പി എം ജില്ലാസിക്രട്ടറി പി ജയരാജന്റെ അറസ്റ്റുമായി ബന്ധപ്പെട്ട് ജില്ലയില്‍ നടന്ന അക്രമ സംഭവങ്ങളുടെ പശ്ചാത്തലത്തില്‍ കലക്ടറേറ്റ് കോണ്‍ഫറന്‍സ് ഹാളില്‍ ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്റെ നേതൃത്വത്തിലാണ് സര്‍വകക്ഷി യോഗം ചേര്‍ന്നത്. മാധ്യമ പ്രവര്‍ത്തകരെ മാറ്റിനിര്‍ത്തിക്കൊണ്ടായിരുന്നു യോഗം തുടങ്ങിയത്. സി പി എം നേതാവ് എം വി ജയരാജനാണ് ചര്‍ച്ചക്ക് തുടക്കമിട്ടത്. പോലീസ് നടത്തിയ അതിക്രമങ്ങളെ കുറിച്ച് ജയരാജന്‍ വിശദീകരിച്ചു. ഇതിനിടയില്‍ ഒരു പോലീസ് ഉദ്യോഗസ്ഥന്റെ പേര് ജയരാജന്‍ എടുത്തുപറഞ്ഞപ്പോള്‍ ആഭ്യന്തരമന്ത്രി തിരുവഞ്ചൂര്‍ ഇടപെട്ടു. ഉദ്യോഗസ്ഥരുടെ പേരെടുത്ത് പറഞ്ഞ് ഇത്തരം യോഗങ്ങളില്‍ വിമര്‍ശിക്കരുതെന്നും വ്യക്തിഹത്യ നടത്തരുതെന്നും ആഭ്യന്തരമന്ത്രി നിര്‍ദേശം നല്‍കി. കൃഷി വകുപ്പ് മന്ത്രി കെ പി മോഹനനും യോഗത്തില്‍ പങ്കെടുത്തിരുന്നു.
എം എല്‍ എമാരായ എ പി അബ്ദുള്ളക്കുട്ടി, സണ്ണിജോസഫ്, കെ കെ നാരായണന്‍, കെ എം ഷാജി, സി കൃഷ്ണന്‍, ജയിംസ്മാത്യു എന്നിവരും സി എ അജീര്‍, കെ എം സൂപ്പി, കെ ജെ ജോസഫ്, എല്‍ ഡി എഫിനെ പ്രതിനിധീകരിച്ച് പി കെ ശ്രീമതി, കെ കെ ഷൈലജ, എം വി ഗോവിന്ദന്‍ മാസ്റ്റര്‍, കെ പി സഹദേവന്‍,സി രവീന്ദ്രന്‍, സി പി മുരളി, കെ കെ രാമചന്ദ്രന്‍, രാജേഷ് പ്രേം, ഇ പി ആര്‍ വേശാല, കെ കെ ജയപ്രകാശ്, വി വി കുഞ്ഞികൃഷ്ണന്‍, ഹമീദ് ഇരിണാവ്, ഇല്ലിക്കല്‍ അഗസ്തി, മുഹമ്മദ് പാറക്കാട്ട്, അഷ്‌റഫ് പുറവൂര്‍, കെ കെ ജേക്കബ് എന്നിവരും പങ്കെടുത്തു.
യുഡിഎഫിനെ പ്രതിനിധീകരിച്ച് കെ പി നൂറുദ്ദീന്‍, വി കെ അബ്ദുള്‍ഖാദര്‍ മൗലവി, സതീശന്‍ പാച്ചേനി, എം പി മുരളി, അബ്ദുറഹ്മാന്‍ കല്ലായി, കെ എം സൂപ്പി എന്നിവരും ബി ജെ പി യെ പ്രതിനിധീകരിച്ച് കെ രഞ്ചിത്ത്, യു ടി ജയന്തന്‍, ആര്‍ എസ് എസിനെ പ്രതിനിധീകരിച്ച് വത്സന്‍ തില്ലങ്കേരി എന്നിവരും പങ്കെടുത്തു. അഡ്വ. എ ജെ ജോസഫ്,ജോയ്‌സ് പുത്തന്‍പുരക്കല്‍, രാമദാസ് കതിരൂര്‍, കെ പി രമേശന്‍ എന്നിവരും യോഗത്തിനുണ്ടായിരുന്നു. പോലീസ് ഉദ്യോഗസ്ഥര്‍, ജില്ലാകലക്ടര്‍ രത്തന്‍ ഖേല്‍ക്കര്‍, എസ് പി രാഹുല്‍ ആര്‍ നായര്‍, ഡി വൈ എസ് പി പി സുകുമാരന്‍, ഷൗക്കത്തലി, എ ഡി എം എന്‍ പി മാത്യു, എ എസ് പി ശ്രീനിവാസന്‍ എന്നിവരും യോഗത്തില്‍ പങ്കെടുത്തു.
Post a Comment