സിപിഐ എം പ്രവര്‍ത്തകരെ പിടികൂടിയാല്‍ ക്രൈം രജിസ്റ്റര്‍ ചെയ്യുന്ന സ്‌റ്റേഷനില്‍ കൊണ്ടുപോകാതെ അകലെയുള്ള സ്‌റ്റേഷനില്‍ കൊണ്ടുപോകുംവഴി വണ്ടിയിലിട്ടു മര്‍ദിക്കുകയായിരുന്നു. പയ്യന്നൂരില്‍ പിടികൂടിയാല്‍ തളിപ്പറമ്പിലും വളപട്ടണത്ത് നിന്ന് പിടികൂടിയാല്‍ കണ്ണൂരിലുമാണ് കൊണ്ടുപോയി മര്‍ദിക്കുന്നത്. മര്‍ദനം പുറംലോകം അറിയാതിരിക്കാന്‍ മജിസ്‌ട്രേട്ടിന്റെ വീട്ടില്‍ രാത്രി വൈകി ഹാജരാക്കിയാണ് റിമാന്‍ഡ് ചെയ്യിക്കുന്നത്. ജനകീയ പ്രശ്‌നങള്‍ ഉന്നയിച്ചുനടക്കുന്ന സമരങ്ങള്‍ക്ക് അനുമതി നിഷേധിക്കുക, വിലക്കയറ്റവിരുദ്ധ പ്രചാരണബോര്‍ഡുകള്‍ എടുത്തുകൊണ്ടുപോവുക, സിപിഐ എം കോടിമരങ്ങള്‍ ജെസിബി കൊണ്ടുവന്നു പിഴുതുകളയുക തുടങ്ങിയ നടപടികളാണ് പൊലീസ് നടത്തിയത്. സിപിഐ എം ജില്ലകമ്മിറ്റി ഓഫീസില്‍ നിന്ന് വിളിച്ചാലും നേതാക്കള്‍ വിളിച്ചാലും പൊലീസ് മേധാവിമൊബൈല്‍ഫോണ്‍ എടുക്കാറില്ല.
സിഐടിയു ജില്ല കമ്മിറ്റി ഓഫീസ് ആക്രമിച്ച വിവരം പൊലീസില്‍ അറിയിച്ചപ്പോള്‍ 'അങ്ങോട്ടുവരാന്‍ ആരുമില്ല. പരാതിയുണ്ടെങ്കില്‍ എഴുതി തന്നാല്‍ മതി'യെന്നാണ് കണ്ണൂര്‍ ടൗണ്‍ എസ്‌ഐ പറഞ്ഞത്. ഒരു മണിക്കൂറിന് ശേഷമാണ് തൊട്ടടുത്തുള്ള സംഭവസ്ഥലത്ത് പൊലീസ് എത്തിയത്.സിപിഐ എം ജില്ല കമ്മിറ്റി ഓഫീസിന് നേരെ ഗ്രാനേഡ് എറിഞ്ഞു. റബര്‍ ബുള്ളറ്റ് കൊണ്ട് വെടിവെച്ചു. ജില്ല കമ്മിറ്റി ഓഫീസിലുളളവരെ വകവരുത്തുകയായിരുന്നു പൊലീസിന്റെ ലക്ഷ്യം. നീതിപാലകരാവേണ്ട പൊലീസ് സിപിഐ എമ്മിനെ തകര്‍ക്കാന്‍ ക്വട്ടേഷന്‍ എടുത്തവരെപോലെയാണ് പെരുമാറിയത്. എംവി ജയരാജന്‍ നല്‍കിയ പരാതിയില്‍ പറഞ്ഞു.
Post a Comment