വീട്ടുമുറ്റത്ത് രാജവെമ്പാലകുഞ്ഞ്

ഇരിട്ടി: വീട്ടുമുറ്റത്ത് കാണപ്പെട്ട രാജവെമ്പാലകുഞ്ഞ് നാട്ടുകാര്‍ക്ക് കൗതുകമായി. വ്യാഴാഴ്ച ചെങ്ങം റോഡിലെ അരിക്കാട്ടില്‍ സുരേന്ദ്രന്റെ വീട്ടുമുറ്റത്താണ് അരമീറ്റര്‍ നീളമുളള രാജവെമ്പാലകുഞ്ഞിനെ കണ്ടെത്തിയത്. നാട്ടുകാര്‍ ഇതിനെ പിടിച്ച് വനംവകുപ്പ് ഉദ്യോഗസ്ഥര്‍ക്ക് കൈമാറി. വനംവകുപ്പ് ഉദ്യോഗസ്ഥര്‍ പിന്നീട് രാജവെമ്പാലകുഞ്ഞിനെ കൊട്ടിയൂര്‍ വനത്തിലേക്ക് വിട്ടയച്ചു.

മഴക്കാലത്ത് മലയോര മേഖലയുടെ വിവിധ ഭാഗങ്ങളില്‍ അപൂര്‍വ്വ ഇനത്തില്‍പ്പെട്ട പാമ്പുകള്‍ വീടുകളില്‍ പ്രത്യക്ഷപ്പെടുന്നത് പതിവായിരിക്കുകയാണ്.കഴിഞ്ഞയാഴ്ച ചാണകപ്പാറയിലെ ഒരുവീട്ടില്‍ നിന്ന് അപൂര്‍വ്വ ഇനത്തില്‍പ്പെട്ട പൂച്ചപാമ്പിനെ പിടികൂടിയിരുന്നു. കഴിഞ്ഞ ദിവസം ആറളം ഗ്രാമപഞ്ചായത്ത് അംഗത്തിന്റെ വീട്ടില്‍ നിന്നും മൂര്‍ഖന്‍ പാമ്പിനെയും പിടികൂടിയിരുന്നു.

Keywords: Kerala, Kannur, Iritty, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.