വളപട്ടണത്ത് വാഹനാപകടത്തില്‍ എട്ടുപേര്‍ക്ക് പരിക്ക്

വളപട്ടണം: വളപട്ടണം ദേശീയപാതയില്‍സ്വകാര്യ ബസുകളും കാറും ഓട്ടോയും കൂട്ടിയിടിച്ച് ജില്ലാഞ്ചായത്ത് പ്രസിഡന്റ് പ്രൊഫ.കെ. എ സരളയുടെ ഭര്‍ത്താവ് പ്രൊഫ. ടി.വി ബാലന്‍ ഉള്‍പ്പെടെ എട്ടുപേര്‍ക്ക് പരിക്കേറ്റു. തിങ്കളാഴ്ച രാവിലെ ഒമ്പതേകാലിന് നിത്യാനന്ദ സ്‌കൂളിന് സമീപമായിരുന്നു അപകടം.

കണ്ണൂരില്‍ നിന്ന് തളിപ്പറമ്പ് ഭാഗത്തേക്ക് പോവുകയായിരുന്ന വാഹനങ്ങളാണ് അപകടത്തില്‍പ്പെട്ടത്. ഏറ്റവും മുന്നിലായി പോകുന്ന വാഗണര്‍ കാര്‍ ബ്രേക്ക് ചെയ്തപ്പോള്‍ പിന്നില്‍ വരികയായിരുന്ന ധനുകുട്ടന്‍ ബസ് കാറിലിടിക്കുകയായിരുന്നു. ഇടിയുടെ ആഘാതത്തില്‍ മുന്നിലുണ്ടായിരുന്ന കാര്‍ റോഡില്‍ നിന്ന് തെന്നിനീങ്ങി ഇലക്ട്രിക് പോസ്റ്റിലിടിച്ചാണ് നിന്നത്. അപകടത്തില്‍ പരിക്കേറ്റവരെ എ.കെ.ജി, കൊയിലി ആശുപത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ല. അപകടത്തെ തുടര്‍ന്ന് ദേശീയ പാതയില്‍ ഏറെനേരം ഗതാഗതം മുടങ്ങി.

എ.കെ.ജി ആശുപത്രിയില്‍ ചികിത്സയിലുളളവര്‍: പ്രൊഫ. ടി.വി ബാലന്‍(68) പളളിക്കുളത്തെ മിഥുന്‍(17) ചിറക്കലിലെ രമേശന്‍(51) ഓണപ്പറമ്പിലെ സീത(50) പരിയാരം പൊയിലിലെ സുരേഷ് കുമാര്‍(48) ചെറുകുന്നിലെ ശിവദാസന്‍(43) എന്നിവരെ കൊയിലി ആശുപത്രിയില്‍ പ്രവേശിപ്പിച്ചു. മറ്റുളളവരെ പ്രഥമശ്രുശ്രൂഷ നല്‍കി വിട്ടയച്ചു.

Keywords: Kerala, Kannur, Valapattanam, accident, Injured, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.