ഒഴിവായത് വന്‍ദുരന്തം: വാരം യു.പി സ്‌കൂള്‍ കെട്ടിടം തകര്‍ന്നു വീണു

വാരം: കനത്തമഴയില്‍ വാരം യു. പി സ്‌കൂള്‍ കെട്ടിടത്തിന്റെ ഒരു ഭാഗം തകര്‍ന്നുവീണു. ചൊവ്വാഴ്ച പുലര്‍ച്ചെയാണ് സംഭവം. നൂറ്റി അമ്പതോളം വിദ്യാര്‍ത്ഥികള്‍ പഠിക്കുന്ന നാല്, അഞ്ച്, ആറ്, ഏഴ് ഡിവിഷനുകളാണ് തകര്‍ന്നത്.കെട്ടിടം നിലം പൊത്തിയത് പുലര്‍ച്ചെയായതിനാല്‍ വന്‍ദുരന്തമൊഴിവായി. മുപ്പതുവര്‍ഷത്തോളം പഴക്കമുളള മരം കൊണ്ടു നിര്‍മ്മിച്ച കെട്ടിടത്തിന്റെ ഭാഗമാണ് തകര്‍ന്നത്. സ്‌കൂള്‍ തുറക്കുന്നതിനു മുമ്പ് കെട്ടിടത്തിന്റെ അറ്റക്കുറ്റപ്പണി നടത്തിയിരുന്നതായി മാനേജ് മെന്റ് പ്രതിനിധികള്‍ പറഞ്ഞു.

ചൊവ്വാഴ്ച പുലര്‍ച്ചെ അഞ്ചുമണിയോടെ പളളിയില്‍ നമസ്‌കാരത്തിന് എത്തിയവരാണ് കെട്ടിടം തകര്‍ന്നു വീഴുന്ന ശബ്ദം കേട്ടത്. ബലമുളള ബീമുകളും മറ്റും നാലുഭാഗത്തും തെന്നിവീണ നിലയിലാണുളളത്. ഓടുകള്‍ മുഴുവനായും തകര്‍ന്നു.

Keywords: Kerala, Kannur, Varam, School, rain, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.