ഓടിക്കൊണ്ടിരിക്കുന്ന കാറിനു മുകളില്‍ മരം വീണ് വീട്ടമ്മ മരിച്ചു

ഇരിട്ടി: ഓടിക്കൊണ്ടിരുന്ന ഇന്നോവകാറിനു മുകളില്‍ മരംകടപുഴകി വീണ് വീട്ടമ്മ മരിച്ചു. ഭര്‍ത്താവടക്കം മൂന്നുപേര്‍ക്ക് പരിക്കേറ്റു. ശനിയാഴ്ച രാവിലെ എട്ടരയോടെ എടത്തൊട്ടിക്കടുത്ത പെരുമ്പയിലാണ് അപകടം. കിളിയന്തര വെട്ടിയോലില്‍ തോമസിന്റെ ഭാര്യ ആലീസ് എന്ന അന്നമ്മയാണ് മരിച്ചത്. ഭര്‍ത്താവ് തോമസ്, ജോസ്, മണിക്കടവിലെ സാജു എന്നിവര്‍ക്കാണ് പരിക്കേറ്റത്. ഇതില്‍ ഗുരുതരമായി പരിക്കേറ്റ തോമസിനെ തലശേരി സഹകരണ ആശുപത്രിയിലും മറ്റുളളവരെ വിവിധ ആശുപത്രികളിലും പ്രവേശിപ്പിച്ചു.

ഒരുവിവാഹചടങ്ങില്‍ പങ്കെടുക്കാന്‍ കൊട്ടിയൂര്‍ മഞ്ഞളാമ്പ്രത്ത് പോവുകയായിരുന്നു. മരിച്ച ആലിസന് ജോബി,സിന്‍സി എന്നീ രണ്ടുമക്കളുണ്ട്. ഫയര്‍ഫോഴ്‌സെത്തി രക്ഷാപ്രവര്‍ത്തനം നടത്തി. സ്ഥലത്ത് നിര്‍ത്തിയിട്ടിരുന്ന രണ്ടു സ്‌കൂട്ടറുകള്‍ക്കും കേടുപാടുകള്‍പറ്റിയിട്ടുണ്ട്.

Keywords: Kerala, Iritty, Car, Accident, Tree, housewife, dies, injured, Kerala News, International News, National News, Gulf News, Health News, Educational News, Business News, Stock News, Gold News.