മുസ്ലീം ലീഗ് പ്രവര്‍ത്തകനെ ദുരൂഹസാഹചര്യത്തില്‍ മരിച്ച നിലയില്‍ കണ്ടെത്തി

Sadiq

നരിക്കോട്: മുസ്ലീം ലീഗ് പ്രവര്‍ത്തകനെ ദുരൂഹസാഹചര്യത്തില്‍ കിണറ്റില്‍ മരിച്ച നിലയില്‍ കണ്ടെത്തി. നരിക്കോട് ജുമാമസ്ജിദിനു സമീപത്തെ അബ്ദുല്ല-ആഇഷ ദമ്പതികളുടെ മകന്‍ കെ.സാദിഖിനെ(25)യാണ് തിങ്കളാഴ്ച രാവിലെ ഒമ്പതുമണിയോടെ വീട്ടില്‍ നിന്നും അരകിലോമീറ്റര്‍ അകലെ തളിപ്പറമ്പ് ഹൈവെയില്‍ ഫെയ്മസ് ബേക്കറി നടത്തിവരുന്ന മജീദ് ഹാജിയുടെ വീട്ടുകിണറ്റില്‍ മരിച്ച നിലയില്‍ കണ്ടെത്തിയത്. ചുറ്റുമതിലും കൂറ്റന്‍ ഗേറ്റുമുളള വീടിനോട് ചേര്‍ന്നതാണ് കിണര്‍. ഖദീജയും മക്കളുമാണ് വീട്ടില്‍ താമസം. ആള്‍മറയില്ലാത്ത കിണറ്റിലാണ് വീണത്.

ഞായറാഴ്ച ഇതിനടുത്തെ ഒരുവീട്ടില്‍ വിവാഹമുണ്ടായിരുന്നു. ഈ വീട്ടില്‍ വിവാഹതലേന്ന് രാത്രി 12മണിവരെ സാദിഖുണ്ടായിരുന്നു. പിന്നീട് ഇയാളെ കാണാതാവുകയായിരുന്നു. ബന്ധുക്കളും നാട്ടുകാരും തിരച്ചില്‍ നടത്തുന്നതിനിടെയാണ് തിങ്കളാഴ്ച രാവിലെ മൃതദേഹം കിണറ്റില്‍ കണ്ടെത്തിയത്. പഴയങ്ങാടി പൊലിസെത്തി ഇന്‍ക്വസ്റ്റ് നടത്തി. കിണര്‍ കുഴിക്കല്‍ ജോലി ചെയ്യുന്നയാളാണ് സാദിഖ്. സഹോദരങ്ങള്‍ : ഇബ്രാഹിം, ഉബൈസ്, മുഹമ്മദ് കുഞ്ഞി.

Keywords: Kerala, Kannur, Narikkod, IUML, Dies, police, Malayalam news, Kerala News, International News, National News, Gulf News, Health News, Educational News, Business News, Stock news, Gold News.