കല്യാശേരി: വടേശ്വരംകോളനിയില്‍ ബി.ജെ. പി പ്രവര്‍ത്തകന്റെ വീടിന് നേരെയുണ്ടായ അക്രമത്തില്‍ മൂന്നുപേര്‍ക്ക് പരിക്കേറ്റു. സംഭവമറിഞ്ഞ് സ്ഥലത്തെത്തിയ പൊലിസിനെ ഒരുസംഘം ആക്രമിച്ചു. ഓടുകൊണ്ട് തലയ്ക്കടിയേറ്റ് പരിക്കേറ്റ കണ്ണൂര്‍ എ. ആര്‍ ക്യാമ്പിലെ പൊലിസുകാരന് റജീഷിനെ ജില്ലാ ആശുപത്രിയില്‍ പ്രവേശിപ്പിച്ചു.
ഞായറാഴ്ച രാത്രി പതിനൊന്നുമണിയോടെയാണ് ഈ മേഖലയില്‍ സംഘര്‍ഷമുണ്ടായത്.ദിവസങ്ങള്‍ക്കു മുമ്പ് രക്ഷാബന്ധന്‍ ധരിച്ച പെണ്‍കുട്ടിയെ ബൈക്കിലെത്തിയ ആറംഗ സി.പി. എം പ്രവര്‍ത്തകര്‍ തടഞ്ഞു നിര്‍ത്തി രക്ഷാബന്ധന്‍ മുറിച്ചുമാറ്റുകയും ബ്‌ളേഡ്‌കൊണ്ട് വരഞ്ഞ് പരിക്കേല്‍പ്പിക്കുകയും ചെയ്തിരുന്നു. ഈ സംഭവത്തില്‍ കേസുകൊടുത്ത വൈരാഗ്യത്തിലാണ് ബി.ജെ. പി പ്രവര്‍ത്തകന്റെ വീടാക്രമിച്ചതെന്ന് പൊലിസ് പറഞ്ഞു.
പെണ്‍കുട്ടിയുടെ ബന്ധുവായ ശിവാനന്ദന്‍, അമ്മ സിന്ധു എന്നിവരെ രണ്ടംഗസംഘം ഭീഷണിപ്പെടുത്തുകയും അക്രമിക്കുകയുമായിരുന്നു. ഇവര്‍ ജില്ലാ ആശുപത്രിയില്‍ ചികിത്സയിലാണ്. ഇതിനെ തുടര്‍ന്ന് സ്ഥലത്ത് സംഘര്‍ഷാവസ്ഥയുണ്ടായി. കൂട്ടംകൂടി നിന്ന ചിലരെ അറസ്റ്റു ചെയ്യാന്‍ ശ്രമിച്ചപ്പോഴാണ് പൊലിസിനു നേരെ അക്രമമുണ്ടായത്. സ്ഥലത്ത് വന്‍പൊലിസ് സന്നാഹം ക്യാമ്പ് ചെയ്യുന്നുണ്ട്.
Keywords: Kerala, Kannur, CPM, BJP, Clash, police, injured, Malayalam news, Kerala News, International News, National News, Gulf News, Health News, Educational News, Business News, Stock news, Gold News.
Post a Comment