പതിമൂന്നുകാരന്‍ ഓടിച്ച മിനിലോറി വീട്ടിലേക്ക് ഇരച്ചുകയറി ബാലികയ്ക്ക് പരിക്ക്

നാറാത്ത്: പതിമൂന്നുകാരന്‍ ഓടിച്ച മിനിലോറിനിയന്ത്രണം വിട്ട് വീട്ടിലേക്ക് പാഞ്ഞുകയറി ബാലികയ്ക്ക് പരിക്കേറ്റു. ചൊവ്വാഴ്ച വൈകിട്ട് നാറാത്താണ് അപകടം. വീട്ടുവരാന്തയില്‍ കളിച്ചുകൊണ്ടിരുന്ന അനുശ്രീ( ഏഴ്)ക്കാണ് പരിക്കേറ്റത്. ബാലിക മംഗലാപുരം ആശുപത്രിയില്‍ ചികിത്സയിലാണ്.

സിനാല്‍ ഓടിച്ച മിനിലോറിയാണ് വിനോദ് മാസ്റ്ററുടെ വീട്ടിലേക്ക് നിയന്ത്രണംവിട്ടു പാഞ്ഞുകയറിയത്. അപകടത്തില്‍ വീടിന്റെ ചുമരും ജനലും തകര്‍ന്നു. വീട്ടുപറമ്പില്‍ നിന്നും മുറിച്ച തെങ്ങിന്‍ കഷ്ണം കയറ്റാന്‍ എത്തിയതായിരുന്നു ലോറി. ഡ്രൈവര്‍ക്കൊപ്പം ഉണ്ടായിരുന്ന സിനാന്‍ ആരും കാണാതെ ലോറി സ്റ്റാര്‍ട്ടാക്കി ഓടിക്കുകയായിരുന്നു. ലോറി ആദ്യം പുറകോട്ടം പിന്നീട് നിയന്ത്രണംവിട്ട് മുന്നോട്ടും വീട്ടിലേക്ക് പാഞ്ഞുകയറുകയായിരുന്നു. സിനാന്‍ പരിക്കേല്‍ക്കാതെ രക്ഷപ്പെട്ടു.

Keywords: Kerala, Narath, Kannur, Malayalam news, Kerala News, International News, National News, Gulf News, Health News, Educational News, Business News, Stock news, Gold News.