പയ്യാമ്പലത്ത് സ്പീഡ് ബോട്ട്മറിഞ്ഞു: സ്ത്രീക്ക് പരിക്കേറ്റു

File photo

കണ്ണൂര്‍: പയ്യാമ്പലത്ത്കടലില്‍ സാഹസിക യാത്ര നടത്തുന്നതിനിടെ ഫൈബര്‍ ബോട്ട് മറിഞ്ഞ് സ്ത്രീക്ക് പരിക്കേറ്റു. തലയ്ക്കു സാരമായിപരിക്കേറ്റ ഇവര്‍ കണ്ണൂര്‍ എ.കെ.ജി സഹകരണ ആശുപത്രിയില്‍ ചികിത്സയിലാണ്. വ്യാഴാഴ്ച വൈകിട്ട് ആറേമുക്കാലിനാണ് അപകടം.

പയ്യാമ്പലം പുതിയ പാലത്തിനടുത്തുവച്ച് തിരമാലകളില്‍ പെട്ട് ബോട്ട് മറിയുകയായിരുന്നു. കരയോട് തൊട്ടടുത്തായിരുന്നതിനാല്‍ കൂടുതല്‍ അപകടമുണ്ടായില്ല. നാലംഗ വിനോദസഞ്ചാര സംഘമാണ് വാട്ടര്‍ ഫോഴ്‌സിന്റെ ബോട്ടിലുണ്ടായിരുന്നത്. വൈകിട്ട് ആറുമണിക്കുശേഷം കടലില്‍ സാഹസിക സഞ്ചാരം പാടില്ലെന്ന നിയമമുണ്ടായിട്ടും ഇതു പാലിച്ചില്ലെന്ന് പരാതിയുണ്ട്.

Keywords: Kerala, Kannur, Boat, river, Women, Kerala News, International News, National News, Gulf News, Health News, Educational News, Business News, Stock News, Gold News.