പഴശിയില്‍ നിന്നും വീണ്ടും മണല്‍പിടികൂടി

മട്ടന്നൂര്‍: പഴശി പദ്ധതി പ്രദേശത്തു നിന്നും വീണ്ടും മണല്‍പിടികൂടി. ചൊവ്വാഴ്ച പുലര്‍ച്ചെ എസ്. ഐ കെ.വി പ്രമോദനും സംഘവും നടത്തിയ പരിശോധനയിലാണ് ചാക്കുകളിലായി സൂക്ഷിച്ച മണല്‍ പിടികൂടിയത്.

പഴശി പദ്ധതി പ്രദേശമായ ഏളന്നൂര്‍ മേഖലയിലെ പുഴയില്‍ നിന്നും മണല്‍വാരുന്നുണ്ടെന്ന വിവരം ലഭിച്ചതിന്റെ അടിസ്ഥാനത്തില്‍ പൊലീസ് പരിശോധന നടത്തുകയായിരുന്നു.

പുഴയില്‍ നിന്നും വാരിയ മണല്‍ ചാക്കുകളില്‍ നിറയ്ക്കുകയായിരുന്ന സംഘം പൊലീസിനെ കണ്ടയുടന്‍ പുഴയില്‍ ചാടി രക്ഷപ്പെട്ടു. അമ്പതോളം ചാക്കുകളിലായി നിറച്ച മണല്‍ പൊലീസ് കസ്റ്റഡിയിലെടുത്തു.

Keywords: Kerala, Kannur, Mattannur, sand, mafia, Kerala News, International News, National News, Gulf News, Health News, Educational News, Business News, Stock News, Gold News.