സാധാരണ രീതിയില്‍ നിന്നും വ്യത്യസ്തമായി ജയില്‍ നിയമങ്ങളില്‍ നിന്നും വ്യത്യസ്തമായി വിശ്വാസികളുടെ ആചാരാനുഷഠാനങ്ങള്‍ നിര്‍വഹിക്കാനുള്ള സൗകര്യം ഭരണഘടന അനുശാസിക്കുന്നുണ്ടെന്നും അതു പ്രകാരമാണ് സംവിധാനങ്ങള്‍ ആവിഷ്‌ക്കരിച്ചതെന്നും ജയില്‍വെല്‍ഫെയര്‍ ഓഫീസറായ കെ.വി. മുകേഷ് പറഞ്ഞു. വിശ്വാസികളെ മൂന്നാം ബ്ലോക്കില്‍ പ്രത്യേകമായി താമസിപ്പിച്ചാണു വ്രതാനുഷ്ഠാനത്തിനുള്ള സംവിധാനങ്ങള്‍ ഒരുക്കിയിരിക്കുന്നത്. അതിരാവിലെ സ്വയം ഭക്ഷണമുണ്ടാക്കി കഴിക്കാനുള്ള സൗകര്യവും ഒരുക്കിയിട്ടുണ്ട്. പുലര്‍ച്ചെ 2.30 ന് ഉണര്‍ന്നാണ് വിശ്വാസികള്‍ നോമ്പുനോല്‍ക്കാനുള്ള തയാറെടുപ്പുകള്‍ നടത്തുന്നത്. അതിരാവിലെ ഉണരുന്ന സംഘാംഗങ്ങള്‍ കൂട്ടായി ഭക്ഷണം പാകം ചെയ്തു കഴിക്കും. ജയില്‍ റേഷന്‍ പ്രകാരം ഓരോ തടവുകാരനും പ്രതിദിനം അനുവദിച്ച ഭക്ഷ്യവസ്തുക്കള്‍ പാചകം ചെയ്യാതെ വ്രതാനുഷ്ാഠാനക്കാര്‍ക്കു നല്‍കുന്ന രീതിയാണ് ഇവര്‍ക്കായി ഒരുക്കിയരിക്കുന്നത്. ചില അവസരങ്ങളില്‍ സമീപപ്രദേശങ്ങളിലെ പള്ളികളില്‍ നിന്നും നല്‍കുന്ന ഭക്ഷ്യവസ്തുക്കളും നല്‍കും. നോമ്പുതുറയക്കുള്ള കാരക്ക ജയില്‍ കാന്റീനിലൂടെയും അധികൃതര്‍ ലഭ്യമാക്കുന്നുണ്ട്. അടുത്ത റംസാനും പെരുന്നാളും കുടുംബത്തിന്റെ കൂടെയാകണം എന്ന പ്രാര്‍ഥനയാണ് തങ്ങള്‍ക്കുള്ളതെന്നാണ് നോമ്പു നോല്‍ക്കുന്നവരെല്ലാം ഒരേ ശബ്ദത്തില്‍ പറയുന്നത്. ഇതോടൊപ്പം 15 ദിവസത്തെ നോമ്പിനു ശേഷം ജയിലിലുള്ളവര്‍ക്കു ലളിതമായ രീതിയില്‍ ഇഫ്താര്‍ വിരുന്നു നല്‍കണമെന്ന ആഗ്രഹമുണ്ടെന്നും സര്‍വശക്തനായ ദൈവം ഇതിനനുഗ്രഹിക്കുമെന്നുമാണ് പ്രതീക്ഷയെന്നും ഇവര്‍ പറഞ്ഞു.
Post a Comment