മുസ്ലീം ലീഗ് മണ്ഡലം സെക്രട്ടറിക്കെതിരെ അഴിമതി ആരോപണം

കണ്ണൂര്‍: മുസ്ലീം ലീഗിന്റെ കണ്ണൂര്‍ മണ്ഡലം സെക്രട്ടറി എം. പി മുഹമ്മദലിക്കെതിരെ അഴിമതി ആരോപണവുമായി ചാലാട് ശാഖാകമ്മിറ്റി. ചാലാട്ടെ എം. എസ്. എഫ് പ്രവര്‍ത്തന്‍ സി.കെ നിഷാമിന് മയ്യില്‍ ഐ.ടി.എം കോളേജില്‍ ബി.കോം സീറ്റിനുവേണ്ടി വിദ്യാഭ്യാസമന്ത്രിയുടെ പി. എയില്‍ നിന്നും ശുപാര്‍ശ കത്തുവാങ്ങിച്ചുകൊടുക്കാന്‍ മുഹമ്മദലി കാല്‍ലക്ഷം രൂപ വാങ്ങിയതായി നിഷാമിന്റെ അമ്മാവന്‍ നിസാര്‍ ശാഖാലീഗ് കമ്മിറ്റിക്ക് നല്‍കിയ പരാതിയില്‍ പറയുന്നു.

ഇതു സംസ്ഥാന നേതൃത്വത്തിനും ജില്ലാകമ്മിറ്റിക്കും നല്‍കാന്‍ ശാഖാകമ്മിറ്റി തീരുമാനിച്ചു. ഇതിനു പുറമെ കെല്‍ട്രോണില്‍ നിന്ന് ഒരുവര്‍ഷത്തേക്ക് ബീവറേജ്‌സില്‍ പോയ 11ജീവനക്കാരെ സ്ഥിരമാക്കാന്‍ എം. പി മുഹമ്മദലി ലക്ഷക്കണക്കിന് രൂപ കൈക്കൂലി വാങ്ങിയതായുളള ലീഗ് നിയന്ത്രണത്തിലുളള കെല്‍ട്രോണ്‍ എംപ്‌ളോയിസ് യൂണിയന്‍ പരാതിയും സംസ്ഥാനജനറല്‍ സെക്രട്ടറിക്ക് പരാതിയായി ശാഖാകമ്മിറ്റി നല്‍കിയിട്ടുണ്ട്.

മുഹമ്മദലിക്കെതിരെ സ്ത്രീപീഡനപരാതിയും വിമതവിഭാഗം ഉന്നയിക്കുന്നുണ്ട്. പാര്‍ട്ടിക്ക് ദോഷകരമായ രീതിയില്‍ പ്രവര്‍ത്തിക്കുന്ന മുഹമ്മദലിയെ പുറത്താക്കാന്‍യൂത്ത് ലീഗ് സംസ്ഥാനകമ്മിറ്റിക്കും പരാതി നല്‍കിയിട്ടുണ്ട്.

Keywords: Kerala, Muslim League, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.