മട്ടന്നൂര്‍: യൂത്ത് കോണ്‍ഗ്രസ് സംഘടനാതിരഞ്ഞെടുപ്പിനിടെ മട്ടന്നൂരില്‍ സംഘര്‍ഷം. ഞായറാഴ്ച പതിനൊന്നു മണിയോടെയാണ് കളളവോട്ടിനെ ചൊല്ലി എ, ഐ വിഭാഗങ്ങള്‍ തമ്മിലാണ് വാക്കേറ്റവും ഉന്തും തളളുമുണ്ടായത്.
പേരാവൂര്‍, കൊട്ടിയൂര്‍, കീഴൂര്‍ ചാവശേരി, പായം മണ്ഡലങ്ങളിലെ തിരഞ്ഞെടുപ്പാണ് ഞായറാഴ്ച നടന്നത്. മട്ടന്നൂര്‍ ലയണ്‍സ് ക്ലബ്ബിലായിരുന്നു തിരഞ്ഞെടുപ്പ്. വോട്ടര്‍പട്ടികയില്‍ പേരില്ലാത്തവരെ കൊണ്ടു വോട്ടുചെയ്യിപ്പിച്ചുവെന്നാരോപിച്ചാണ് പ്രവര്‍ത്തകര്‍ ചേരിതിരിഞ്ഞു ഏറ്റുമുട്ടിയത്.
മട്ടന്നൂര്‍ സി.ഐയുടെ നേതൃത്വത്തിലെത്തിയ പൊലിസ് സംഘം ഇരുവിഭാഗം പ്രവര്‍ത്തകരെയും ശാന്തരാക്കിയതിനെ തുടര്‍ന്നാണ് വീണ്ടും വോട്ടെടുപ്പ് പുനരാരംഭിച്ചത്.
Keywords: Kannur, Kerala, Mattannur, CI, Chavashery, Election, Group, Clash during youth congress election
Post a Comment