സ്ത്രീ സംരക്ഷണത്തിന്റെ ബാധ്യതയെ കുറിച്ച് ബോധവത്ക്കരിക്കണം: റോസക്കുട്ടി

KC-Rosakutty

ധര്‍മ്മശാല: സമൂഹത്തിന് സ്ത്രീകളോടുള്ള മനോഭാവത്തില്‍ മൂല്യച്യുതിയുണ്ടായതായി സംസ്ഥാന വനിതാ കമ്മിഷന്‍ അദ്ധ്യക്ഷ കെ.സി. റോസക്കുട്ടി അഭിപ്രായപ്പെട്ടു. മാങ്ങാട്ടുപറമ്പ് കെ.എ.പി നാല് ഡ്രില്‍ ഹാളില്‍ നടന്ന വനിതാ സെമിനാര്‍ ഉദ്ഘാടനം ചെയ്യുകയായിരുന്നു അവര്‍. സമൂഹത്തിന്റെ കാഴ്ചപ്പാടില്‍ മാറ്റംവരുത്തണം. പെണ്‍കുട്ടികളെ ശാക്തീകരിക്കുന്നതിനൊപ്പം സ്ത്രീ സംരക്ഷണത്തിന്റെ ബാധ്യതയെക്കുറിച്ച് യുവാക്കളെ ബോധവത്കരിക്കണമെന്നും റോസക്കുട്ടി അഭിപ്രായപ്പെട്ടു.

കെ.എ.പി മൈത്രി ചില്‍ഡ്രന്‍സ് ആന്‍ഡ് യൂത്ത് ക്‌ളബ്ബ് ചെയര്‍മാന്‍ സി.എം. സുധീര്‍കുമാര്‍ അദ്ധ്യക്ഷനായി. പൊലീസ് അസോസിയേഷന്‍ കുടുംബസഹായനിധി വിതരണവും റോസക്കുട്ടി നിര്‍വഹിച്ചു. കമാണ്ടന്റ് പി. സുനില്‍ബാബു വിശിഷ്ടാതിഥിയായി. പി.എസ്. അനില്‍കുമാര്‍, പി.വി. ദിനേശന്‍, അര്‍ജുന്‍ പാലയാട് സംസാരിച്ചു.

Keywords: Kerala, Kannur, K.C Rosakutti, Women, Malayalam news, Kerala News, International News, National News, Gulf News, Health News, Educational News, Business News, Stock news, Gold News.