കോട്ടൂരില്‍ CPM പാട്യം സ്മാരക വായനശാല ആന്‍ഡ് ഗ്രന്ഥാലയം ആക്രമിച്ചു തകര്‍ത്തു

കാടാച്ചിറ: കോട്ടൂരില്‍ സി.പി.എം നിയന്ത്രണത്തിലുളള പാട്യം സ്മാരക വായനശാല ആന്‍ഡ് ഗ്രന്ഥാലയം ആക്രമിച്ചു തകര്‍ത്തു. വ്യാഴാഴ്ച പുലര്‍ച്ചെ രണ്ടരയോടെയാണ് അക്രമം. ഓഫീസിലെ ഫര്‍ണ്ണിച്ചറുകള്‍ അടിച്ചു തകര്‍ത്ത സംഘം ടി.വിയും മറ്റുപകരണങ്ങളും നശിപ്പിച്ചു.

വായനശാലയ്ക്കു മുന്നില്‍ സ്ഥാപിച്ച അരിവാള്‍ ചുറ്റിക നക്ഷത്രം സ്തൂപവും തകര്‍ത്തു. രണ്ടു ബൈക്കുകളിലായി എത്തിയ സംഘമാണ് അക്രമം നടത്തിയതെന്ന് സംശയിക്കുന്നു. അക്രമത്തിനു പിന്നില്‍ ബി.ജെ. പി പ്രവര്‍ത്തകരാണെന്ന് സി. പി. എം ആരോപിച്ചു.

സി.പി. എം ജില്ലാസെക്രട്ടറി പി.ജയരാജന്‍, കണ്ണൂര്‍ ഏരിയാസെക്രട്ടറി എന്‍. ചന്ദ്രന്‍, എ.കെ ചന്ദ്രന്‍, സി.കെ രാജന്‍ , സി.കെ രവീന്ദ്രന്‍ തുടങ്ങിയ നേതാക്കള്‍ സംഭവസ്ഥലം സന്ദര്‍ശിച്ചു. എടക്കാട് പൊലിസ് കേസെടുത്തു.

Keywords: Kerala, Kannur, Kadachira, CPM, Office, attacked, Malayalam news, Kerala News, International News, National News, Gulf News, Health News, Educational News, Business News, Stock news, Gold News.