സി.പി.എമ്മിന്റെ പാര്‍ട്ടി കോടതി വിചാരണ ചെയ്ത് നടപ്പാക്കിയ കൊലപാതകമെന്ന നിലയില്‍ മുസ്‌ലിം ലീഗും യു.ഡി.എഫും കൊലപാതകത്തെ രാഷ്ട്രീയ ആയുധമാക്കുകയും മന്ത്രിമാരുള്‍പ്പെടെയുളളവര്‍ ഷുക്കൂറിന്റെ കുടുംബത്തെ ആശ്വസിപ്പിക്കാനെത്തുകയും ചെയ്തു. എന്നാല്‍ അസാന്നിദ്ധ്യം കൊണ്ട് ശ്രദ്ധേയനായ നേതാവായിരുന്നു ഇ. അഹമ്മദ്. കൊലയ്ക്ക് ശേഷം നാല് തവണ കണ്ണൂരിലെത്തിയിട്ടും ഷുക്കൂറിന്റെ വീട് സന്ദര്‍ശിക്കാന്‍ അദ്ദേഹം തയ്യാറാകാതിരുന്നത് ലീഗ് പ്രവര്‍ത്തകര്‍ക്കിടയില്‍ ശക്തമായ പ്രതിഷേധത്തിന് വഴിവെച്ചിരുന്നു. തളിപ്പറമ്പിലൂടെ കടന്നു പോയിട്ടും അരിയിലെത്താന്‍ കൂട്ടാക്കാത്ത അഹമ്മദിന്റെ നിലപാടിനെ കഴിഞ്ഞയാഴ്ച കണ്ണൂരില്‍ അദ്ദേഹത്തിന്റെ കോലം കത്തിച്ചാണ് മുസ്‌ലിം ലീഗ് പ്രവര്‍ത്തകര്‍ പ്രതികരിച്ചത്. ണായറാഴ്ച ചേര്‍ന്ന ലീഗ് സംസ്ഥാന ജനറല്‍ കൗണ്‍സില്‍ യോഗത്തില്‍ പോലും ഇക്കാര്യം ചര്‍ച്ചയായിരുന്നു. ഇതേ തുടര്‍ന്ന് വിവാദത്തിന് വിരാമമിടാന്‍ ഒടുവില്‍ ഷുക്കൂര്‍ കൊല്ലപ്പെട്ട 133 ാം ദിനത്തിലെങ്കിലും വീട് സന്ദര്‍ശിക്കാന്‍ ഇ.അഹമ്മദ് വീട്ടിലെത്തി ഷൂക്കൂറിന്റെ കുടുംബത്തെ ആശ്വസിപ്പിക്കാന്‍ തയ്യാറായത്.
إرسال تعليق