ബൈക്ക് നിയന്ത്രണംവിട്ട് മറിഞ്ഞ് മുന്‍ സന്തോഷ് ട്രോഫി താരം മരിച്ചു

പയ്യന്നൂര്‍: ബൈക്ക് നിയന്ത്രണംവിട്ട് മറിഞ്ഞ് മുന്‍സന്തോഷ് ട്രോഫി താരവും കേരളത്തിലെ പ്രശ്‌സ്തനായ ഫുട്ബാള്‍ കളിക്കാരനുമായ അന്നൂര്‍ ചൊവ്വാട്ട കുഞ്ഞുവീട്ടില്‍ ബാബുരാജ്(47)മരിച്ചു. തിങ്കളാഴ്ച്ച രാത്രി പത്തരയ്ക്ക് അന്നൂര്‍ സത്യന്‍ ആര്‍ട്‌സ് ക്‌ളബിനു സമീപമായിരുന്നു അപകടം. ബൈക്കില്‍ നിന്നും റോഡിലേക്ക് തെറിച്ചുവീണ ബാബുരാജിനെ നാട്ടുകാര്‍ പരിയാരം മെഡിക്കല്‍ കോളേജാശുപത്രിയില്‍ എത്തിച്ചുവെങ്കിലും ജീവന്‍രക്ഷിക്കാനായില്ല.

കെ.എസ്. ഇ.ബി കണ്ടൊത്ത് സെക്ഷന്‍ ഓഫീസില്‍ കാഷ്യറാണ്. പരേതനായ ശേഖരന്‍ ചിരിയക്കുഞ്ഞി- ദമ്പതികളുടെ മകനാണ്. മികച്ച ഫുട്ബാള്‍ കളിക്കാരനായ ബാബുരാജ് ഗോഹട്ടിയില്‍ നടന്ന സന്തോഷ് ട്രോഫി മത്സരത്തില്‍ കേരളത്തിന്റെ ഗോള്‍ വലകാത്തിരുന്നു. ഇന്ത്യന്‍ സര്‍വകലാശാല ടീമംഗമായിരുന്നു. കെല്‍ട്രോണിന്റെമികച്ച ഫുട്ബാളര്‍ക്കുളള അവാര്‍ഡ് നേടിയിട്ടുണ്ട്. അവിവാഹിതനാണ്.

Keywords: Kerala, Payyannur, Bike, Santhosh trophy, player, football, accident, Malayalam news, Kerala News, International News, National News, Gulf News, Health News, Educational News, Business News, Stock news, Gold News.