തലശേരിയില്‍ നഗരസഭാ ബഡ്ജറ്റ് ചര്‍ച്ചയില്‍ ബഹളം

തലശേരി: നഗരസഭാബഡ്ജറ്റ് ചര്‍ച്ചയ്ക്കിടെ പ്രതിപക്ഷനേതാവ് അഡ്വ. സി.ടി സജിത്ത് നടത്തിയ വിവാദ പരാമര്‍ശം ഭരണപക്ഷ പ്രതിപക്ഷ വാക്കേറ്റത്തിനിടയാക്കി. രോഷാകൂലരായ ഭരണപക്ഷാംഗങ്ങള്‍ കാല്‍മണിക്കൂറോളം കൗണ്‍സില്‍ യോഗം തടസപ്പെടുത്തി. ഒടുവില്‍ താന്‍ നടത്തിയ പരാമര്‍ശനത്തില്‍ സി.ടി സജിത്ത് ഖേദം പ്രകടിപ്പിച്ചതിനെതുടര്‍ന്നാണ് യോഗം പുനരാരംഭിച്ചത്.

 ബഡ്ജറ്റ് ചര്‍ച്ചയില്‍ നഗരസഭയില്‍ നടക്കുന്നത് കഴിവുകെട്ടഭരണമാണെന്നും അഴിമതി നടത്തുന്ന ഉദ്യോഗസ്ഥര്‍ക്കെതിരെ നടപടിയെടുക്കാന്‍ കഴിയാത്തവരാണ് ഭരണകര്‍ത്താക്കള്‍ എന്നും അഡ്വ. സി.ടി സജിത്ത് തുറന്നടിച്ചതോടെയാണ് വിവാദം തുടങ്ങിയത്.

അഴിമതിക്കാരുടെ പേര്‍ പറയണമെന്നായി ഭരണപക്ഷത്തിന്റെ ആവശ്യം.ഇതിന്റെ പേരില്‍ പരസ്പരം വാക്കേറ്റമുണ്ടായപ്പോള്‍ പ്രസംഗത്തിന്റെ അര്‍ത്ഥം മനസിലാക്കാതെ മതിലില്‍ കയറിയ നായകുരക്കുന്നതു പോലെ ചിലര്‍ കുരയ്ക്കുകയാണെന്ന് പ്രതിപക്ഷ നേതാവ് പറഞ്ഞപ്പോള്‍ ഭരണപക്ഷം ഒന്നടങ്കം രോഷാകൂലരായി. ഇതോടെ ബഡ്ജറ്റ് ചര്‍ച്ച അല്‍പ്പനേരം അലങ്കോലമായി. രണ്ടു തവണ ചര്‍ച്ച ബഹളത്തില്‍ കലാശിച്ചെങ്കിലും രാവിലെ പത്തുമണിക്ക് തുടങ്ങിയ ചര്‍ച്ച വൈകിട്ട് മൂന്നുമണിക്കാണ് അവസാനിച്ചത്.

201314വര്‍ഷത്തെ ബഡ്ജറ്റ് കൈയടിച്ച് അംഗീകരിച്ചാണ് കൗണ്‍സില്‍ യോഗം പിരിഞ്ഞത്. ചര്‍ച്ചയില്‍ വൈസ് ചെയര്‍മാന്‍ സി.കെ രമേശന്‍, അഡ്വ. കെ. എ ലത്തീഫ്, പി.ബാലന്‍, വിജയന്‍, വൈ. മുഹമ്മദ് സലീം എന്നിവര്‍ പങ്കെടുത്തു. നഗരസഭാ ചെയര്‍പേഴ്‌സണ്‍ ആമിന മാളിയേക്കല്‍ അദ്ധ്യക്ഷത വഹിച്ചു.

Keywords: Kerala, Kannur, Thalassery, Meeting, UDF, CPM, Malayalam news, Kerala News, International News, National News, Gulf News, Health News, Educational News, Business News, Stock news, Gold News.