കണ്ണൂര്‍: കേന്ദ്ര ടെക്സ്റ്റയില്‍ മന്ത്രാലയത്തിന്റെ കീഴിലുള്ള ടെക്സ്റ്റയില്‍ കമ്മീഷണര്‍ ഓഫീസ്, പവര്‍ലൂം സര്‍വ്വീസ് സെന്റര്‍ പ്രാഥമിക നെയ്ത്ത് പരിശീലനത്തിന്റെ പുതിയ ബാച്ചിലേക്ക് അപേക്ഷ ക്ഷണിച്ചു. കേന്ദ്ര ടെക്സ്റ്റയില്‍ മന്ത്രാലയത്തിന്റെ സംയോജിത തൊഴില്‍ പരിശീലന പദ്ധതി പ്രകാരം ഒരുമാസമാണ് പരിശീലനം നല്‍കുക. പരിശീലനം വിജയകരമായി പൂര്‍ത്തിയാക്കുന്നവര്‍ക്ക് 1,000 രൂപ സ്റ്റൈപന്റ് നല്‍കും. കൂടാതെ പരിശീലന മികവിന്റെയും യോഗ്യതയുടെയും അടിസ്ഥാനത്തില്‍ വിവിധ ടെക്സ്റ്റയില്‍ യൂണിറ്റുകളില്‍ ജോലി നേടുവാന്‍ സഹായിക്കുന്നതുമാണ്. 18 വയസ്സ് പൂര്‍ത്തിയായവര്‍ക്ക് അപേക്ഷിക്കാം. താല്പര്യമുള്ളവര്‍ ജൂലൈ 9 നകം മരയ്ക്കാര്‍കണ്ടിയിലുള്ള പവര്‍ലൂം സര്‍വ്വീസ് സെന്ററില്‍ അപേക്ഷ നേരിട്ട് സമര്‍പ്പിക്കണം. വിശദവിവരങ്ങള്‍ക്ക് അസിസ്റ്റന്റ് ഡയറക്ടര്‍, പവര്‍ലൂം സര്‍വ്വീസ് സെന്റര്‍, മരയ്ക്കാര്‍കണ്ടി, സിറ്റി. പി.ഒ, കണ്ണൂര്‍-3, ഫോണ്‍ 0497 2734950 എന്നവിലാസത്തില്‍ ബന്ധപ്പെടാവുന്നതാണ്.
إرسال تعليق