രാജ്യാന്തര ഫുട്‌ബോള്‍ താരമായിരുന്ന കൊമ്മച്ചി ഹാഷിം നിര്യാതനായി

കണ്ണൂര്‍: രാജ്യാന്തര ഫുട്‌ബോള്‍ താരവും മഹാരാഷ്ട്ര സന്തോഷ് ട്രോഫി ടീം അംഗവുമായിരുന്ന കണ്ണൂര്‍ പാറക്കണ്ടിയിലെ കൊമ്മച്ചി ഹാഷിം (63) നിര്യാതനായി. സമൂഹത്തിന്റെ നാനാതുറകളില്‍പ്പെട്ട നുറുകണക്കിനാളുകളുടെ അന്ത്യാഞ്ജലിക്കു ശേഷം മൃതദേഹം കണ്ണൂര്‍ സിറ്റി ജുമാ മസ്ജിദ് ഖബര്‍സ്ഥാനില്‍ ഖബറടക്കി.

കണ്ണൂര്‍ മുനിസിപ്പല്‍ ഹൈസ്‌കൂളില്‍ പഠിക്കുന്ന കാലത്ത് കേരളമെങ്ങും അറിയപ്പെടുന്ന താരമായിരുന്നു. 1966 മുതല്‍ കണ്ണൂരിലെ പ്രശസ്ത ഫുട്‌ബോള്‍ ടീമായിരുന്ന ജിംഖാനയുടെ ജേഴ്‌സിയണിഞ്ഞു. മഹീന്ദ്ര ആന്‍ഡ് മഹീന്ദ്രയ്ക്ക് വേണ്ടി ദീര്‍ഘകാലം കളിച്ചു. 1971ല്‍ ജപ്പാനില്‍ നടന്ന ഏഷ്യന്‍ യൂത്ത് ഫുട്‌ബോളിലൂടെയാണ് ഹാഷിം ലോകപ്രശസ്തനായത്. ജപ്പാനിലെ ടോക്യോവില്‍ നടന്ന യൂത്ത് ഫുട്‌ബോളിലും മികച്ച പ്രകടനം കാഴ്ചവച്ചു. സന്തോഷ് ട്രോഫി ടൂര്‍ണമെന്റില്‍ മഹാരാഷ്ട്ര ടീമിന്റെ കളിക്കാരനായിരുന്നു. മികച്ച ഫോര്‍വേഡും ലെഫ്റ്റ് ഔട്ടറുമായിരുന്നു ഹാഷിം.

ഭാര്യ: കോഴിക്കോട് പുതിയറയിലെ മാളിയേക്കല്‍ ആയിഷ. മക്കള്‍: തന്‍സിം, തൗസിഫ് (ഖത്തര്‍). മരുമക്കള്‍: ഡോ. ജിംറിസ് സാദിഖ്. സഹോദരങ്ങള്‍: അബ്ദുല്‍ സത്താര്‍, നൂറുദ്ദീന്‍, നൂറുള്‍ അമീന്‍ (സൗദി), ഖയ്യൂം, റഹ്മാന്‍, ഇക്ബാല്‍, റംല.


Keywords: Kannur, Kvartha, Kommachi Hashim passs away, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.