യൂത്ത്‌കോണ്‍ഗ്രസ് തിരഞ്ഞെടുപ്പ്: വിശാല ഐ ഗ്രൂപ്പ് നേടി

കണ്ണൂര്‍: യൂത്ത് കോണ്‍ഗ്രസില്‍ ചൊവ്വാഴ്ച നടന്ന തിരഞ്ഞെടുപ്പിലും വിശാല ഐ വിഭാഗത്തിന് നേട്ടം. കണ്ണൂര്‍ ജില്ലയിലെ കണ്ണൂര്‍,കാസര്‍കോട് പാര്‍ലമെന്റ് മണ്ഡലങ്ങളിലെ പതിമൂന്നിടങ്ങളിലാണ് ചൊവ്വാഴ്ച തിരഞ്ഞെടുപ്പ് നടന്നത്. ഇതില്‍ എട്ട് മണ്ഡലങ്ങളില്‍ വിശാല ഐ വിഭാഗത്തിന് നേട്ടമുണ്ടായി. അഞ്ചിടങ്ങളില്‍ എ വിഭാഗത്തിനും വിജയിക്കാനായി. എ വിഭാഗം അഞ്ചു മണ്ഡലങ്ങളും ഐ വിഭാഗത്തില്‍ നിന്ന് തിരിച്ചുപിടിച്ചതാണെന്നും നേതാക്കള്‍ പറഞ്ഞു.

കാസര്‍കോട് പാര്‍ലമെന്റ് മണ്ഡലത്തിലെ കല്യാശ്ശേരി, ചെറുകുന്ന്, കണ്ണൂര്‍ പാര്‍ലമെന്റ് മണ്ഡലത്തിലെ മാലൂര്‍, ആറളം, അയ്യന്‍കുന്ന് എന്നീ മണ്ഡലങ്ങളാണ് ഐ വിഭാഗത്തില്‍ നിന്ന് എ വിഭാഗം പിടിച്ചെടുത്തതായി അവകാശപ്പെടുന്നത്. ചെമ്പിലോട്, മുഴപ്പിലങ്ങാട്, കടമ്പൂര്‍, മുഴക്കുന്ന്, കേളകം, കണിച്ചാര്‍, പടിയൂര്‍ കല്യാട്, കീഴല്ലൂര്‍ എന്നീ മണ്ഡലങ്ങളിലാണ് ഐ ഗ്രൂപ്പ് വിജയിച്ചത്. തിരഞ്ഞെടുപ്പ് വ്യാഴാഴ്ച പൂര്‍ണ്ണമാകും.

Keywords: Kerala, Kannur, Youth congress, Malayalam news, Kerala News, International News, National News, Gulf News, Health News, Educational News, Business News, Stock news, Gold News.