ഗ്രൂപ്പ് പോര്: യൂത്ത് കോണ്‍ഗ്രസ് നേതാവിന്റെ ബൈക്ക് കത്തിച്ചു

പാനൂര്‍: ചൊക്ലി പോലിസ് സ്‌റ്റേഷന്‍ പരിധിയിലെ കരിയാട് യൂത്ത് കോണ്‍ഗ്രസ് നേതാവിന്റെ ബൈക്ക്കത്തിച്ചു. കരിയാട് മണ്ഡലം കമ്മിറ്റി പ്രസിഡന്റ് ടി.എം. ബാബുരാജിന്റെ ബൈക്കാണ് കത്തിനശിച്ചത്.

കരിയാട് പളളിക്കുനിയിലുളള വീട്ടുമുറ്റത്ത് നിര്‍ത്തിയിട്ട ബൈക്ക് ശനിയാഴ്ച പുലര്‍ചെ കത്തിനശിച്ച നിലയില്‍കണ്ടെത്തുകയായിരുന്നു. ബൈക്ക്കത്തിക്കാന്‍ ഉപയോഗിച്ചുവെന്ന് പോലിസ്‌കരുതുന്ന പെട്രോള്‍ നിറച്ച കന്നാസുകളും കുപ്പികളും വീട്ടുമുറ്റത്ത് ഉപേക്ഷിക്കപ്പെട്ട നിലയില്‍കണ്ടെത്തിയിട്ടുണ്ട്.

File Photo

കണ്ണൂരില്‍ നിന്നെത്തിയ പോലിസ് നായ പരിശോധനനടത്തി. യൂത്ത്‌കോണ്‍ഗ്രസ് സംഘടനാതിരഞ്ഞെടുപ്പുമായി ബന്ധപ്പെട്ട് എ, ഐ വിഭാഗങ്ങള്‍ തമ്മില്‍ തര്‍ക്കം നിലനില്‍ക്കുന്ന പ്രദേശമാണ് കരിയാട്.

Keywords: Bike, Fire, Burned, Panur, Congress Group, T.M. Babu, Kannur, Kerala, Kannur Vartha, Kannur News, Malayalam news, Kerala News, International News, National News, Gulf News, Health News, Educational News, Business News, Stock news, Gold News.