മട്ടന്നൂര്‍ കോളേജ് കിണറ്റില്‍ തോക്ക് കണ്ടെത്തി

മട്ടന്നൂര്‍: പഴശി രാജ എന്‍. എസ്. എസ് കോളേജ് വളപ്പിലെ കിണര്‍ വൃത്തിയാക്കുന്നതിനിടെ തോക്ക് കണ്ടെത്തി. കോളേജ് കെട്ടിടത്തിന് പിന്നിലുളള കിണറില്‍ നിന്നാണ് വ്യാഴാഴ്ച രാവിലെ പതിനൊന്നരയോടെ തോക്ക് കണ്ടെത്തിയത്. തൊഴിലാളികളെ ഉപയോഗിച്ച് കിണറിലെ ചെളിനീക്കുന്നതിനിടെയാണ് കറുത്ത നിറത്തിലുളള തോക്ക് ചെളിയില്‍ കാണപ്പെട്ടത്.

കോളേജ് അധികൃതര്‍ പൊലീസില്‍ വിവരം നല്‍കിയതിനെ തുടര്‍ന്ന് മട്ടന്നൂര്‍ എസ്. ഐ കെ.വി പ്രമോദനും സംഘവും സ്ഥലത്തെത്തി തോക്ക് കസ്റ്റഡിയിലെടുത്തു. കിണറില്‍ നിന്നും കണ്ടെത്തിയ തോക്ക് എയര്‍പിസ്റ്റളാണെന്നും ഇതിനെ കുറിച്ച് അന്വേഷിക്കുമെന്നും പൊലീസ് അറിയിച്ചു.

Keywords: Kerala, Mattannur, College, Mattannur, Gun, well, Kerala News, International News, National News, Gulf News, Health News, Educational News, Business News, Stock News, Gold News.