സി പി എമ്മിന്റെ കൊടിമരം സ്ഥാപിക്കുന്നതുമായി ബന്ധപ്പെട്ട് നേരത്തെ കാവുംപടിയില്‍ സി പി എംമുസ്ലീംലീഗ് പ്രവര്‍ത്തകര്‍ തമ്മില്‍ തര്‍ക്കം നിലനിന്നിരുന്നു. ഇതേ തുടര്‍ന്ന് കൊടിമരം സ്ഥാപിക്കാന്‍ നിര്‍മ്മിച്ച തറ പോലീസ് പൊളിച്ചു നീക്കി. തുടര്‍ന്ന് സി പി എംയൂത്ത് ലീഗ് പ്രവര്‍ത്തകര്‍ തമ്മില്‍ വാക്കേറ്റവും അടിപിടിയും നടന്നിരുന്നു. ഇതുമായി ബന്ധപ്പെട്ട് ഇപ്പോള്‍ വെട്ടേറ്റ ഷഹീറിനെതിരെ സി പി എം പ്രവര്‍ത്തകനും ഇപ്പോഴത്തെ അക്രമ സംഭവത്തില്‍ പ്രതിയുമായ ഷാലുവിനെതിരെ പരാതി നല്‍കിയിരുന്നു. തന്നെ മര്‍ദ്ദിച്ചതായി കാണിച്ച് ഷാലുവും പരാതി നല്‍കിയിരുന്നു. മൂന്നാഴ്ചകള്‍ക്ക് മുമ്പായിരുന്നു ഈ സംഭവം. ഇതിന്റെ തുടര്‍ച്ചയായിരിക്കാം ഇന്നലത്തെ അക്രമ സംഭവങ്ങളെന്ന് പോലീസ് കരുതുന്നു. സംഭവ സ്ഥലത്ത് നിന്നും പോലീസിന് കിട്ടിയ റിവോള്‍വറിനെ കുറിച്ച് വിദഗ്ദ്ധ പരിശോധനക്കായി ആര്‍മര്‍ വിഭാഗം ഉദ്യോഗസ്ഥര്‍ സ്ഥലത്തെത്തുന്നുണ്ട്. ഇത് എയര്‍ ഗണ്ണാണെന്നും പറയപ്പെടുന്നു. യൂത്ത് ലീഗ് പ്രവര്‍ത്തകന് വെട്ടേറ്റ സംഭവത്തില്‍ പ്രതിഷേധിച്ച് തില്ലങ്കേരി പഞ്ചായത്തില്‍ യു ഡി എഫ് ഹര്‍ത്താല്‍ ആചരിച്ചു. വാഹനങ്ങള്‍ സര്‍വീസ് നടത്തിയെങ്കിലും വ്യാപാര സ്ഥാപനങ്ങളും സര്‍ക്കാര്‍ സ്ഥാപനങ്ങളും വിദ്യാഭ്യാസ സ്ഥാപനങ്ങളും പ്രവര്‍ത്തിച്ചില്ല. ഇരിട്ടി ഡിവൈ എസ് പി എം പ്രദീപ്കുമാര്‍, സി ഐ വി വി മനോജ്, ഇരിട്ടി സബ് ഡിവിഷനിലെ എസ് ഐമാര്‍ എന്നിവരടങ്ങുന്ന വന്‍ പോലീസ് സംഘം തില്ലങ്കേരി, കാവുംപടി മേഖലയില്‍ നിലയുറപ്പിച്ചിട്ടുണ്ട്. പ്രദേശത്ത് പോലീസ് സുരക്ഷ ശക്തമാക്കി.
സി പി എം അക്രമത്തില്‍ യൂത്ത്‌ലീഗ് സംസ്ഥാന വൈസ്.പ്രസിഡന്റ് കെ പി താഹിര്‍ പ്രതിഷേധിച്ചു.
إرسال تعليق