വ്യാഴാഴ്ച രാത്രി 9 മണിയോടെ കാവുമ്പടി ടൗണിലാണ് സംഭവം. വീട്ടില്‍നിന്ന് പള്ളിയിലേക്ക് പോവുന്നതിനിടെ മുഖംമൂടി ധരിച്ച സംഘം അക്രമം നടത്തുകയായിരുന്നു.
സഹീറിന്റെ ഇടതുകാല്‍ തല്ലിയൊടിച്ച നിലയിലാണ്. പിടിവലിക്കിടയില്‍ അക്രമികളില്‍നിന്ന് താഴെ വീണ എയര്‍ പിസ്റ്റണ്‍ സ്ഥലത്തുനിന്ന് കണ്ടെടുത്തു.
സംഭവമറിഞ്ഞ് യൂത്ത്‌ലീഗ് പ്രവര്‍ത്തകര്‍ സംഘടിച്ചത് ഏറെനേരം പ്രദേശത്ത് സംഘര്‍ഷാവസ്ഥയുണ്ടാക്കി. കഴിഞ്ഞദിവസം കാവുമ്പടിയില്‍ സി.പി.എമ്മിന്റെ സ്തൂപം സ്ഥാപിക്കുന്നതുമായി ബന്ധപ്പെട്ട് തര്‍ക്കമുണ്ടാവുകയും പോലീസ് സ്തൂപനിര്‍മാണം തടയുകയും ചെയ്തിരുന്നു. അക്രമത്തിന് പിന്നില്‍ സി.പി.എം. ആണെന്ന് ലീഗ് ആരോപിച്ചു. ഇരിട്ടി സി.ഐ. വി.വി.മനോജ്, എസ്.ഐ. കെ.ജെ.ബിനോയി എന്നിവരുടെ നേതൃത്വത്തില്‍ വന്‍ പോലീസ് സന്നാഹം സ്ഥലത്ത് ക്യാമ്പ്‌ചെയ്യുന്നുണ്ട്.
إرسال تعليق