കക്കാട് കൂറ്റന്‍ കാട്ടുപന്നിയെ കിണറ്റില്‍ വീണ നിലയില്‍ കണ്ടെത്തി

കക്കാട്: നഗരപ്രാന്തപ്രദേശമായ കക്കാട് കൂറ്റന്‍ കാട്ടുപന്നിയെ കിണറ്റില്‍ വീണ നിലയില്‍ കണ്ടെത്തി. കക്കാട് ജുമാമസ്ജിദ് സമീപത്തെ പറമ്പിലെ പൊട്ടക്കിണറ്റില്‍ തിങ്കളാഴ്ച രാവിലെയാണ് കാട്ടുപന്നിയെ കണ്ടെത്തിയത്.

ഞായറാഴ്ച രാത്രിയില്‍ വീണതാകുമെന്ന് സംശയിക്കുന്നു. നാട്ടുകാര്‍ വിവരമറിയച്ചതിനെ തുടര്‍ന്ന് വനംവകുപ്പ് ഉദ്യോഗസ്ഥരെത്തി നാട്ടുകാരുടെ സഹായത്തോടെ കാട്ടുപന്നിയെ പുറത്തെടുത്തു. പന്നിയുടെദേഹത്ത് ചെറിയപരിക്കുണ്ട്. പന്നിയെ വനം മേഖലയില്‍ വിടാനാണ് തീരുമാനം. കക്കാട് മേഖലയില്‍ ഏതാനും ദിവസം മുമ്പ് പുലിയെ കണ്ടതായി അഭ്യൂഹമുണ്ടായിരുന്നു. കാട്ടുപന്നിയെ കണ്ട് ചിലര്‍ പുലിയാണെന്ന് തെററിദ്ധരിച്ചതാകാമെന്നു കരുതുന്നു.

Keywords: Kerala, Kakkad, Pig, Malayalam News, National News, Kerala News, International News, Sports News, Entertainment, Stock News.